|
distribución:
Mercedes G. Castro
Divina Pastora 10
15702 - Santiago
Tlf./Fax: 981 592 232
Móbil: 679 449 970
emedous@terra.es
achégate
información das obras e da compañía
asiste
a algunha das nosas funciones
coñece
as nosas
estreas
"Drácula", "Jiñol",
"Manolito Camaleón"
e "Nadarín" foron
producidas en convenio con:
|
presentación
| sinopse
| ficha artística | técnica
| fotos
manoladas
Cando
iniciamos o proceso de montaxe desta obra atopamonos con certas dificultades
técnicas á hora de pola en escena. O títere debía ter unha
capacidade prensil que lle permitise apañar e manipular os
distintos obxectos (trucos) que forman o eixo da obra e sobre o
que se creaban as relacións entre os dous personaxes (Manolito
e o seu can) e o publico. Ademais pretendíamos eliminar a
palabra, que o títere non tivese voz, para traballar co xesto e
as súas formas de expresión, xa que non renunciábamos a que o
títere tivese unha relación directa co publico até o ponto de
facer que este participase dunha forma activa no espectáculo.
Estes
inconvenientes converteron-se en vantaxes cando, despois de vários
meses de investigación no taller, chegamos á criación dunha
nova forma de manipulación de títeres que cumplía todos os
requerimentos que nós necesitábamos para realizar o espectáculo.
Esta descoberta foi un títere manipulado por dúas persoas que
permanecen invisíbeis ao público. Unha delas utiliza as súas
próprias mans como se fosen as do títere; con iso o títere
pode coller calquera obxecto e manipulá-lo ao seu antollo ao
mesmo tempo que utiliza as súas mans de forma expresiva: sinala,
debuxa, toca, conta, e aproveita as innumerabeis posibilidades
que esta parte do corpo nos ofrece. Detrás desta persoa atopa-se
outra que manipula a cabeza, dotada de mecanismos que lle
permiten acentuar a expresión. Unha dificuldade engadida foi a
necesidade de comprenetación dos dous manipuladores, que
resolvemos a base de longos ensaios.
O
títere, construido en carton e tela, é de tamaño natural
e consta únicamente dunha cabeza e duas mans que traballan
sobre cámara negra. Delante del ten un mostrador, de 90 cm.de
altura, que utiliza para meter e quitar os distintos obxectos
que utiliza durante o espectáculo ao mesmo tempo que oculta a
metade inferior do seu corpo. O outro títere que lle acompaña
na obra é un can que el mesmo crea ao princípio da obra e que
non é outra cousa que a sua propia perruca, a que lle engadimos
unha boca e os ollos; non fixo falta máis. Este títere é
manipulado por unha terceira persoa que esta oculta detrás
do mostrador e que é a encarregada de meter a música e os
distintos efectos que se fan en directo.
Trompicallo
info@trompicallo.com
|
